Overblog
Suivre ce blog Administration + Créer mon blog

Publié depuis Overblog

1 Septembre 2015, 13:01pm

Publié par maubian

Voir les commentaires

essai

1 Septembre 2015, 12:22pm

Publié par maubian

essai

Voir les commentaires

Follenn-gwerzhañ kaletez ar roueed - lise / skolaj

17 Décembre 2013, 20:34pm

Publié par maubian

Kudennoù 'm eus evit lakaat ar follennoù war ar blog. M'ho peus c'hoant da gaout follennoù ouzhpenn, kasit ur mail din da herve.maubian@ac-rennes.fr !

Voir les commentaires

Follenn-gwerzhañ chokolad evit al lise

20 Octobre 2013, 20:43pm

Publié par maubian

follenn chokolad lise

Voir les commentaires

Follenn-gwerzhañ chokolad evit ar skolaj

20 Octobre 2013, 12:22pm

Publié par maubian

follenn chokolad skolaj

Voir les commentaires

Follennoù-gwerzhañ chokolad

20 Octobre 2013, 12:21pm

Publié par maubian

Voir les commentaires

Amprevaned / Insectes

14 Avril 2013, 12:21pm

Publié par maubian

Setu ar follenn a c'hellfec'h moullañ evit diskouez d'an dañvez-brenerien.

Voici la feuille que vous pouvez imprimer et montrer aux futurs acheteurs.

 

insectes

Voir les commentaires

Perak e zerc'hel bev ?

31 Mai 2012, 08:06am

Publié par maubian

Amañ e kavoc'h :

- an destenn

- an displegadenn

 

Perak e zerc'hel bev ?

 

Perak derc’hel anezhañ bev ? Kozh-Noe eo. Oc’h ober e dalaroù. Gant louzoù ‘ken e chom bev. Aet e gorf da relegenn. Kollet e anaoudegezh gantañ, ‘met bep an amzer ur barrad sklêrijenn. Neuze e wel e vugale e penn e wele. Da bell o deus ranket mont war-lerc’h o bara. Intañv eo meur a vloaz ‘zo. Mareadoù ‘zo eo bet degemeret e ti e vugale. N’oa ket en e aez ‘touez e zilhad. Ar vugale-gaer, ar vugale-vihan n’ouzont ket brezhoneg. Divroet en e vro. O c’hedal ar marv emañ bremañ. Sevel ‘ra unan bennak da c’hlebiañ e dal. Grik ebet. Perak e zerc’hel bev ?

 

Gwelet ‘ra e di bihan . Amañ eo bet ganet, e vugale ivez. An arrebeuri spuret brav. Ar rideoz dantelezh ouzh ar prenestr, brodet gant ar vamm. Ar bank oaled , ar beilhadegoù ‘tal an tan. Bet eo ar vugale o lavaret kenavo d’o zad-kozh. Joa ‘n deus outo. Nemet pegen pell ‘maint dioutañ. Hini anezho ne gompren anezhañ. Eo , unan marteze. En tu all d’ar mor emañ o chom. ‘Toare emañ hennezh o teskiñ yezh e dud-kozh. Daoust ha distro e vo a-raok an Ankou ?

 

Gwelet a ra al liorzh. Legumaj, bleunioù, frouezh, gwez kaer. Kan al laboused en delioù. Avañsetoc’h ! Ti, arrebeuri, liorzh hag all ‘vo gwerzhet. Ha freuzet da sevel tiez nevez heñvel-poch an eil re ouzh ar re all. Perak o derc’hel bev ?

 

Trouz el leur. Erru eo ar mab-bihan all, ur verc’hig krog en e zorn. Bale betek ar gwele. Tostaat ouzh an den kozh hag hi da lavaret : « Rez ket biloù, Tadig a breno an ti. Ha te, Tad-kozh, a chomo ganeomp da viken ». E brezhoneg ! Ha tra ma pok dezhañ e wel al liorzh hag an ti leun a vugaligoù o c’hoari e brezhoneg. Mousc’hoarzhin a ra ha mervel sioulig.

 

Goulc’han KERVELLA, Kazetenn "YA" niverenn 0 miz Here 2004

Digoradur :

 

- Kinnig an teul :

Petra ? un danevell

Pelec’h ? e-barzh ar gazetenn sizhunvezhiek Ya, niverenn 0.

Gant piv ? Gant G. Kervella, leurenner strollad c’hoariva ar Vro Bagan

Peur ? e miz here 2004

- Adkontañ an istor : kaoz e vez eus un tad-kozh hag a zo oc’h ober e dalaroù diwezhañ (o vont da vervel). Cheñchet en deus ar bed ha seblantout a ra divroet en e vro.

- Kinnig ar steuñvenn :

Da gentañ e vo gwelet penaos emañ an tad-kozh oc’h ober e dalaroù. Da c’houde e vo gwelet ez eo, gant e varv, fin ur bed hag a zaio da get. Er fin e vo gwelet penaos eo laouen fin an danevell memestra.

 

 

Steuñvenn :

 

1) An tad-kozh = un den oc’h ober e dalaroù

 

-         1.1) Echu eo gant e gorf :

> n’eus verb-fiñv ebet evitañ

> ret eo da unan « glebiañ e dal » peogwir ne c’hell ket hen ober e-unan

> « aet eo gorf da relegenn ». Sañset e vez implijet ar ger relegenn evit an dud varv. Amañ eo evel ma vije marv dija.

> ur bern gerioù zo liammet gant ar marv (« relegenn », « marv », « Ankou », « mervel »).

 

-         1.2) Echu eo gant e spered ivez :

> « Kollet e anaoudegezh »

> « O c’hedal ar marv emañ bremañ » > n’eus netra da c’hortoz estreget ar marv, n’en deus ket fiziañs en netra ken, n’en deus ket a zazont.

> n’en deus ket ar youl ken da gaozeal gant ar re all zoken : « Grik ebet. »

 

2) Gant e varv eo ivez fin ur bed

 

Gwechall

Hiziv

An dud a chome da labourat er vro (an holl pe dost a oa labourerien-douar). Eñ a oa ivez sur a-walc’h peogwir e komz eus : « al liorzh. Legumaj, bleunioù, frouezh, gwez kaer. Kan al laboused en delioù.

E vugale o deus kuitaet Breizh : « Da bell o deus ranket mont war-lerc’h o bara. », « Bet eo ar vugale o lavaret kenavo d’o zad-kozh. Joa ‘n deus outo. Nemet pegen pell ‘maint dioutañ. »

An holl dud a ouie brezhoneg.

N’eus den ebet o kaozeal brezhoneg dezhañ : « Ar vugale-gaer, ar vugale-vihan n’ouzont ket brezhoneg. Divroet en e vro. », « Hini anezho ne gompren anezhañ. » 

An tiez a oa « bihan » ha kozh « ar bank oaled », « ridochoù dantelezh brodet ».

Freuzet e vo e di « da sevel tiez nevez heñvel-poch an eil re ouzh ar re all. » > an holl dud bremañ zo heñvel (mondialisation, uniformisation…) 

Darempredoù a oa etre an dud : « beilhadegoù ‘tal an tan. » > plijadur o doa oc’h en em adkavout asambles. 

Pep hini zo diouzh e du. An dud ne gomzont ket ken unan gant egile : « Grik ebet. », « Hini anezho ne gompren anezhañ. » + n’eus ket doujañs ken evit ar re gozh : « Ti, arrebeuri, liorzh hag all ‘vo gwerzhet. Ha freuzet da sevel tiez nevez heñvel-poch an eil re ouzh ar re all. Perak o derc’hel bev ? » 

Micherioù pe oberiantizoù zo aet da get : « brodet gant va mamm. »

 

3) Ur fin laouen memestra :

 

-         Ar verc’hig vihan a gomz brezhoneg hag e lavar dezhañ e vo prenet an ti ganto > ’benn ar fin n’eo ket bet dilezet gant an holl. Toud ar pezh en deus graet ne zaio ket da goll (pa varv e wel « al liorzh hag an ti leun a vugaligoù o c’hoari e brezhoneg.») . Bez e vo unan evit kendalc’her gant ar pezh en deus graet.

-         E fin zo eürus : « Mousc’hoarzhin a ra ha mervel sioulig. »

 

Klozadur :

 

- Adkemer ar soñjoù pennañ :

Toud an destenn zo trist a-walc’h : emañ an tad-kozh oc’h ober e dalaroù. E gorf koulz hag e spered zo kozh ha skuizh gant ar vuhez. Goude e varv e vo echu gant ur bed. Ar bed a hiziv n’eo ket ken evel hini gwechall  : ar micherioù, an dud, ar yezhoù o deus cheñchet hag ar paourkaezh tad-kozh na gompren ket an dra-se ha divroet eo en e vro. En desped da se ec’h echu mat an traoù : dont a ra e verc’hig da frealziñ anezhañ en ur gomz e brezhoneg dezhañ. Tu zo dezhañ kuitaat an douar seder ha sioulig.

- Reiñ un ali :

Mat pe fall ho peus kavet an destenn-se ? Perak ?

- Liammañ gant traoù all :

Filmig Yu-Ming war You Tube : http://www.youtube.com/watch?v=qA0a62wmd1A

 

Voir les commentaires

5vet : Kwizz 10

23 Mai 2012, 13:02pm

Publié par maubian

1)  - Petra eo ar peurunvan ?

 

- E peseurt bloaz eo bet krouet ?

 

- Peseurt lizherennoù zo deuet da vezañ arouez ar skritur-se ?

 

- Petra eo an div skritur all zo bet unvanet gant ar peurunvan ?

 

2) -  Petra eo ur cyber fest-noz ?

 

3)  -  http://fr.wikipedia.org/wiki/Symbole_(enseignement)

 

 - Peur ha pelec’h eo bet implijet ar simbol gant an deskadurezh stad ?

 

- Da biv e veze roet ar simbol ?

 

 - Petra a c’hoarveze gant ar bugel en doa ar simbol e fin an devezh ?

 

- Peseurt tra(où) a veze roet da simbol d’ar vugale ?

 

- Petra oa pal an deskadurezh stad en ur implijout ar simbol ?

 

4) - A-drugarez da biv ne veze ket paet an tailh war an holen (gabelle) e Breizh ?

 

 

 

 

Voir les commentaires

5vet : Kwizz 9

23 Mai 2012, 12:45pm

Publié par maubian

1) - Gant peseurt benveg e son Didier Squiban ?

 

2)  - Piv a za asambles gant an Tad Jaouen war e vag ?

  

- Petra eo anv e vag ?

  gauguin

3) - Roit anvioù an daou iliz a zo e Landerne :

 

4)  - Piv oa Gauguin ?

  

- Peur eo bet ganet / marvet ?



- Peseurt stumm livañ en deus implijet ?



- E-barzh peseurt kêr, eus su Penn ar Bed, en deus labouret ?



- E-barzh peseurt bro en deus bevet e-pad pell ?

   

5) - Kendalc’hit gant an dro-lavar-mañ : “Tamm ha tamm e sav e vragoù da...“ ?

Voir les commentaires

1 2 3 4 5 6 7 > >>